宣誓奇聞

能放得到有人地帶或無題的文章，

都不是好東西！

這幾天看關於香港和大陸的新聞，

實在是只能用粗口來表達，人到無助時，
只能求神問卜或問天，求問中共政權幾時滅亡，

或甚至不如干脆期待滅國算了，樂得地球上少了個垃圾國家，

為害社會教壞子孫，但看來很難實現。

劉曉波的悲劇未了，又來個宣誓奇聞。

開電腦本來係要做嘢，但FB成日都問：
「Li Fun，在想些甚麼？」

我就忍唔住答左咀：「ON膠膠！」

ON膠處在於看到「宣誓」兩個字。

就想講下「宣誓」！

「宣誓」即係「發誓」，

喺我概念只有一句由細聽到大的金句：「發誓當食生菜。」

食生菜易過借火，當所有菜都俾蟲咬到枝離破碎時，

生菜依然完好無損。

要食生菜真係話咁易。

而呢個世界若有人當發誓係真，咁係佢ON膠，

而竟然仲可以用發誓來大做文章，禠奪民選出來議員的議席，

呢個社會真係已經ON膠到不能再膠啦！

講起宣誓的荒謬，我來台灣之前去申請拿回我的強積金，

移民或不再在香港居住係其中一個可以提早取回，

咁要出示證明，我出示台灣護照，

有證件唔得，都要去民政署做宣誓！

證件不是證明了嗎？

宣咩誓！離譜！

宣誓時，有張櫈，

我想坐落去，個職員話，不能坐！

啊！原來是空櫈，好好好，

不坐，站著讀完那張紙！

宣誓完畢！

痴根！